Қозоғистоннинг Қирғизистон иқтисодиётига киритган сармояси 1,3 миллиард долларга ошди

ASTANA. Kazinform - Сўнгги 15 йил ичида Қозоғистоннинг Қирғизистон иқтисодиётига киритган сармояси 1,3 миллиард долларга ошган. Бу ҳақда Бош вазир Олжас Бектенов Қирғизистон Республикаси Вазирлар Маҳкамаси раиси – Президент Администрацияси раҳбари Одилбек Қосималиев билан учрашувда маълум қилди.

«Давлат раҳбарлари 2030 йилгача икки давлат ўртасидаги товар айирбошлаш ҳажмини 3 миллиард долларга етказиш вазифасини қўйди. Ҳукуматлар ушбу мажбуриятни амалга ошириш устида ишлашда давом этмоқда. Сўнгги 15 йилда Қозоғистоннинг Қирғизистон иқтисодиётига киритган сармоялари ҳажми 1,3 миллиард долларга ошган. Ҳукуматлар ушбу мажбуриятни амалга ошириш устида ишлашда давом этмоқда», - деди у.

Ҳукумат раҳбари мамлакатларимиз ўртасидаги маданий-гуманитар алоқалар ҳам изчил ривожланиб бораётганини таъкидлади.

«Икки давлат ёшлари ва зиёлилари ўртасидаги ҳамкорликни мустаҳкамлашга сезиларли туртки бўлган қатор тадбирлар ўтказилди. Умуман олганда, икки томонлама муносабатларни янада ривожлантиришга Ҳукуматлараро кенгаш, Ҳудудлараро ҳамкорлик форуми каби платформаларнинг катта ҳиссаси борлигини алоҳида таъкидлаш жоиз», - деди Олжас Бектенов.

Эслатиб ўтамиз, аввалроқ Қозоғистон Президенти Қирғизистонга ташриф буюриши ҳақида ёзган эдик.