Қозоғистоннинг қайси вилоятларида яшаш қулайроқ
ASTANA. Kazinform — ҚР Миллий иқтисодиёт вазирлиги Ҳудудий стандартлар тизими (ҲСТ) бўйича ҳам юқори, ҳам паст кўрсаткичларга эга бўлган ҳудудларни номлади, дея хабар беради Kazinform агентлиги мухбири.
Вазирлик ҳар йили маҳаллий ижроия ҳокимияти органлари билан биргаликда аҳоли пунктларининг ҳудудий стандартлар тизими (ҲСТ) бўйича кўрсатилаётган объектлар ва хизматлар билан таъминланиш даражасини назорат қилади.
Тизим 12 та соҳани қамраб олади:
- таълим;
- соғлиқни сақлаш;
- ижтимоий хавфсизлик;
- маданият ва спорт;
- дам олиш;
- транспорт;
- йўллар;
- муҳандислик инфратузилмаси;
- хавфсизлик ва атроф-муҳитни муҳофаза қилиш;
- ахборот коммуникациялари;
- маиший ва хизмат кўрсатиш.
Ушбу йўналишлар доирасида инфратузилманинг ҳолати ва унга бўлган эҳтиёж баҳоланади.
Идоранинг агентлик сўровига жавобан маълум қилишича, ҳисоб-китоблар ҳар бир ҳудуд бўйича алоҳида олиб борилади, бу эса объектлар ва хизматлардан фойдаланиш даражасини аниқлаш имконини беради.
Объектлар ва хизматларни тақдим этиш бўйича етакчилар:
- Алмати (92,1%);
- Чимкент (88,1%);
- Астана (89,3%);
- Манғистау вилояти (71,3%);
- Павлодар вилояти (69,2%).
Энг паст кўрсаткичлар янги ҳудудларда қайд этилди:
- Абай вилояти (56,3%);
- Улитау вилояти (59,0%).
Идора маълумотларига кўра, ҳудудлар ўртасидаги ҲСТ кўрсаткичлари бўйича фарқни камайтириш юзасидан фаол ишлар олиб борилмоқда. Шундай қилиб, «Ауыл — ел бесігі» лойиҳаси доирасида 2022–2024 йилларда қишлоқ инфратузилмасини модернизация қилиш учун республика бюджетидан қуйидагилар ажратилди:
- Абай вилояти - 18,8 млрд тенге (221 лойиҳа амалга оширилди);
- Улитау вилояти - 6 млрд тенге (37 лойиҳа амалга оширилди).
— 2025 йилда худди шу дастур доирасида Абай вилоятига 8,6 млрд тенге, Улитау вилоятига 5,2 млрд тенге ажратиш режалаштирилган. Бундан ташқари, умумий ўтказмаларни шакллантиришда мақсадли кўрсаткичлардан энг орқада қолган ҳудудларга алоҳида эътибор берилади. Айнан шу аҳоли пунктлари лойиҳаларни амалга оширишда устувор молиялаштирилади, — дея таъкидлади вазирлик.
Эслатиб ўтамиз, аввалроқ Қозоғистонда шарбат ва лимонад нархи ҳақида хабар берган эдик.
