Қозоғистоннинг биринчи ракеткаси жаҳон рейтингида кўтарилди

NUR-SULTAN. Кazinform - Қозоғистоннинг биринчи ракеткаси Александр Бублик Профессионал теннисчилар уюшмасининг (АТP) янгиланган рейтингида юқорига кўтарилди, дея хабар беради Кazinform мухбири.

Қозоғистонлик теннисчи 37-ўриндан 36-ўринга кўтарилди.

Рейтингда ҳамон сербиялик Новак Жокович пешқадамлик қилмоқда, россиялик Даниил Медведев иккинчи ва германиялик Александр Зверев учинчи ўринни эгаллаб турибди.

Жуфтлик баҳсларида Жо Сэлисбери (Буюк Британия), Ражив Рам (АҚШ) ва Мате Павич (Хорватия) кучли учликдан жой олди.

Қозоғистонлик Андрей Голубев 24-ўринни сақлаб қолди.

Бугун А.Бублик Монте-Карлода ўтказилаётган АТР Мастерс 1000 турнирининг биринчи даврасида дунёнинг собиқ учинчи ракеткаси, «Катта дубулға»нинг уч карра ғолиби швейцариялик Станислас Вавринка билан кортга чиқади.

Аёллар теннис ассоциацияси (WТА) рейтингида польшалик Ига Свентек пешқадамликни сақлаб қолди, мос равишда чехиялик Барбора Крейчикова ва испаниялик Паула Бадоса иккинчи ва учинчи ўринда.

Жуфтликлар баҳсида чехиялик Катерина Синякова ва Барбора Крейчикова ҳамда бельгиялик Элизе Мертенс пешқадамлик қилмоқда.

Қозоғистонлик Анна Данилина 21-ўриндан 20-ўринга кўтарилиб, ўзининг энг яхши натижасини такрорлаган бўлса, Е.Рибакина 54-ўринда бормоқда.

15-16 апрел кунлари Қозоғистон аёллар терма жамоаси Билли Жин Кинг кубоги учун саралаш босқичи доирасида пойтахтда немис теннисчиларига қарши финал учрашувини ўтказади.

Муаллиф: Елжан Ерали