Қозоғистоннинг 11 та ёдгорлиги 2026 йилда ЮНEСКО рўйхатига киритилади
ASTANA. Kazinform – ҚР Маданият ва ахборот вазири Аида Балаева 2025 йилнинг январь ойида ЮНEСКОга кўриб чиқиш учун иккита номзодлик ҳужжати тақдим этилганини маълум қилди.
“Биз маҳаллий ҳокимликларга хат йўллаб, тарихий-маданий меросимизни асраб-авайлаш бўйича таклифларимизни билдирдик. Вазирлик 3 та йўналиш бўйича режа лойиҳасини ишлаб чиқишга, жумладан тизимли чора-тадбирларни кўришга, давлат органлари билан келишиб олишга ва Ҳукумат кўриб чиқиш учун тақдим этишга тайёр”, – деди Маданият вазири бугунги Ҳукумат йиғилишида.
Ушбу режа маҳаллий ва халқаро даражада турли тадбирларни ташкил этишга асосланган. Биринчи йўналиш – ЮНEСКО томонидан муҳофаза қилинадиган ёдгорликлар билан комплекс ишларни олиб бориш. ЮНEСКО стандартларига риоя қилиш, муҳофаза қилинадиган ва замонавий буфер зоналари мониторинги технологияларини жорий этиш, Бутунжаҳон мероси рўйхатининг 3 та номинацияси (10 та ёдгорлик) бўйича бошқарув режасини ишлаб чиқиш бу борадаги устувор масалалардан иборат.
“Президентимиз топшириғига биноан 2025 йилнинг январь ойида ЮНEСКОга кўриб чиқиш учун иккита номзодлик ҳужжати тақдим этилди, улар “Манғистау ерости масжидлари” ва Қирғизистон, Тожикистон ва Ўзбекистон билан ҳамкорликда тайёрланган “Ипак йўли. Фарғона-Сирдарё йўлаги” трансмиллий номинацияси. Халқаро меъёрий-ҳуқуқий ҳужжатларни ҳисобга олган ҳолда 2026 йилда Қозоғистоннинг 11 та янги ёдгорлигини ЮНEСКО рўйхатига киритиш бўйича тегишли ишлар олиб борилмоқда”, – деди А.Балаева.
