Қозоғистонлик Жамила Бақбергенова Poddubny Wrestling League турнирида ғолиб чиқди

ALMATY. Кazinform – Қозоғистонлик курашчи Жамила Бақбергенова Poddubny Wrestling League турнирида ғолиб чиқди, деб хабар беради Kazinform Vesti.kzга таяниб.

Жамила 75 кг вазн тоифасида россиялик Ксения Бураковани мағлуб этди ва 6:5 ҳисоби қайд этилди.

Poddubny Wrestling League - рекорд мукофот жамғармасига эга профессионал курашчилар лигаси бўлиб, унда дунёнинг энг кучли спортчилари иштирок этади. Оммабоп мусобақада Қозоғистон шарафини 72 кг вазнда жаҳон чемпионатининг икки карра кумуш медали соҳиби, Осиё чемпиони Жамила Бақбергенова, 82 кг вазнда Қозоғистоннинг 5 карра чемпиони, 2022 йилги жаҳон чемпионатининг бронза медали совриндори Азамат Даулетбеков ва 79 кг вазнда Осиё чемпиони Азамат Сақаев қимоя қилди.

Турнирда жаҳон ва Қозоғистоннинг энг кучли полвонларининг 21 та беллашуви бўлиб ўтади.