Қозоғистонлик WBC чемпиони энди WBО чемпионлик камари учун жанг қилади

NUR-SULTAN. Кazinform - Аdal Promotions қозоғистонлик боксчи Мейирим Нурсултановнинг (15-0, 8 КО) навбатдаги жангини эълон қилди, дея хабар беради Кazinform Sportskzга таяниб.

М. Нурсултанов 15 январ куни Ақтауда россиялик боксчи Андрей Сироткин (19-1-1, 7 КО) билан рингга чиқади. Улар ўрта вазн тоифасида вакант бўлган WBО International чемпионлик унвони учун курашади. Жанг ўн раундга мўлжалланган.

Мейирим Нурсултанов сўнгги жангини ноябр ойида ўтказди. У ҳакамларнинг якдил қарори билан беларусьлик Дмитрий Атроховни (16-12, 7 КО) мағлуб этганди. Шунингдек, қозоғистонлик WBC (USNBC) камарига эга эканлигини ҳам таъкидлаш лозим. Андрей Сироткинга келсак, у апрел ойида навбатдаги жангини ўтказди. Унинг WBО йўналиши бўйича Европа чемпиони унвони учун жанги британиялик Дэнни Дигнум (13-0-1, 7 КО) билан дуранг билан якунланган эди.