Қозоғистонлик теннисчи Таиланддаги турнир чемпиони бўлди

ASTANA. Kazinform – Қозоғистонлик Григорий Ломакин Накхонситхаммаратда (Таиланд) ўтказилган ITF турнирида чемпион бўлди, деб хабар беради Kazinform мухбири.

Жаҳон рейтингида 1057-ўринни эгаллаб турган қозоғистонлик теннисчи мусобақа давомида соврин жамғармаси 15 минг АҚШ долларига баҳоланган беш нафар теннисчини мағлуб этди.

Финалда 25 ёшли Г.Ломакин дунёнинг 680-ракеткаси, турнирнинг 3-ракеткаси Касидит Самрей билан бош соврин учун куч синашди.

Биринчи ўйинда қозоғистонлик спортчи тай-брейкда устунлик кўрсатди – 7:6 (7:2). Иккинчи ўйинда эса 4:6 ҳисобида мағлуб бўлган бўлса-да, ҳал қилувчи сетда ғалаба қозонди – 6:3.

Эслатиб ўтамиз, аввалроқ Тимофей Скатов АҚШ очиқ чемпионатида асосий турнирга йўлланма олгани ҳақида ёзган эдик.

Муаллиф: Ғайсағали Сейтақ