US Open: Тимофей Скатов асосий турнирга йўлланма олди

ASTANA. Kazinform – Қозоғистоннинг иккинчи, жаҳоннинг 128-ракеткаси Тимофей Скатов АҚШ очиқ чемпионатининг саралаш турнирини муваффақиятли ўтказди, деб хабар беради Kazinform мухбири.

Дастлаб қозоғистонлик теннисчи жаҳон рейтингида 240-ўринни эгаллаб турган япониялик Каича Учидани 6:2, 6:2 ҳисобида мағлуб этди.

Кейин эса рейтингда 169-ўриндаги италиялик Рауль Бранкаччиони ютди - 6:4, 6:3.

Саралаш баҳслари финалида Т.Скатов дунё рейтингида 112-ўринни эгаллаб турган австралиялик Жеймс Даквортни 6:2, 6:2 ҳисобида мағлуб этди. Бир соатдан ортиқ давом этган баҳсда Тимофей 3 та эйс амалга оширди ва 8 та брейк-пойнтнинг ярмидан фойдаланди. Рақиб фақат 3 та эйс билан чекланди.

«Катта дубулға» туркумига кирувчи учинчи турнирга йўлланмани қўлга киритган 22 ёшли Т.Скатовнинг рақиби кейинроқ аниқланади.

Қозоғистоннинг биринчи, дунёнинг 27-ракеткаси Александр Бублик биринчи босқичда 82-ўриндаги австриялик, 2020 йилги АҚШ чемпионати ғолиби Доминик Тим билан куч синашади.

Аёллар ўртасида Қозоғистоннинг биринчи, дунёнинг 4-ракеткаси Елена Рибакина 37-ўринни эгаллаб турган украиналик Марта Костюк билан учрашади. Рейтингда 79*ўринни эгаллаб турган Юлия Путинцеванинг биринчи даврадаги рақиби дунёнинг 53-ракеткаси италиялик Мартина Тревизан бўлади.

Муаллиф: Ғайсағали Сейтақ