Қозоғистонлик теннисчи Португалияда бўлиб ўтган турнирнинг ярим финалига чиқди

ASTANA. Kazinform – Қозоғистонлик Тимофей Скатов Брага (Португалия) челленджер мусобақасининг жуфтлик баҳсларида ярим финалга чиқди, деб хабар беради Kazinform мухбири.

Қозоғистонлик теннисчи испаниялик Карлос Табернер билан иккита учрашувни муваффақиятли ўтказди.

Т.Скатов ва К.Табернер дастлаб австралиялик Акира Сантилльян – Брэндон Уокинни 7:5, 6:4 ҳисобида мағлуб этди.

Қозоғистон-испаниялик жуфтлиги чорак финалда португалиялик Фабио Коэльо - Джейми Фария билан 6:3, 7:6 (7:5) ҳисобида зафар қучди.

Кескин беллашув бир ярим соат давом этди.

Т.Скатов ва К.Табернер финалга чиқиш учун чехияликлар Вит Коприва ва Ярослав Поспишил билан куч синашади.

Шу билан бирга, Т.Скатов ва К.Табернер эртага яккалик баҳсларида ярим финал йўлланмасини синовдан ўтказади.

Эслатиб ўтамиз, аввалроқ қозоғистонлик теннисчи Португалиядаги турнирнинг чорак финалига чиққани ҳақида хабар берган эдик.

Муаллиф: Ғайсағали Сейтақ

Фото: ktf.kz