Қозоғистонлик теннисчи Мисрдаги мусобақада ярим финалга чиқди

Қозоғистонлик Григорий Ломакин Шарм-аш-Шайх (Миср) ITF турнирининг жуфтлик баҳсларида ярим финалга чиқди, деб хабар беради Kazinform.

Мусобақанинг 2-ракеткаси сифатида қайд этилган Г.Ломакин россиялик Евгений Филиппов билан биргаликда чорак финалда мисрлик Акрам Ал-Саллали ва нидерландиялик Метт Ротчерринг билан куч синашди.

Қозоғистон-Россия жуфтлиги 6:4, 7:6 (7:3) ҳисобида зафар қучди.

Г.Ломакин – Е.Филиппов финалга чиқиш учун словакиялик Филип Крослак – словениялик Ян Куксис билан куч синашади.

Эслатиб ўтамиз, аввалроқ Денис Евсеев Португалиядаги мусобақани ғалаба билан бошлагани ҳақида хабар берган эдик.

Муаллиф: Ғайсағали Сейтақ