Қозоғистонлик спортчилар пара ўқ отиш бўйича жаҳон кубогида 1 олтин ва 1 кумуш медални қўлга киритди

ASTANA. Kazinform – Жанубий Кореянинг Чханвон шаҳрида ўқ отиш бўйича жаҳон кубогида қозоғистонлик спортчилар биттадан олтин ва кумуш медални қўлга киритди.

Мусобақанинг биринчи кунида Еркин Ғаббасов R1 (эркаклар) йўналишида 250,3 балл билан биринчи ўринни эгаллади. Жанубий кореялик спортчи Парк Жинхо 249,0 балл билан иккинчи, франциялик Ричард Дидье 228,4 балл билан учинчи ўринни эгаллади.

Эслатиб ўтамиз, Еркин Ғаббасов жорий йилнинг март ойида Нью-Деҳли шаҳрида ўтказилган жаҳон чемпионатида иккинчи ўринни эгаллаб, бу йилги Париж Паралимпия ўйинларига йўлланмани қўлга киритган эди.

Мусобақанинг иккинчи кунида қозоғистонлик спортчилар Еркин Ғаббасов ва Анна Довгелеевич R10 аралаш жуфтлик баҳсларида 615,8 балл тўплаб, кумуш медални қўлга киритди. Ушбу мусобақада жанубий кореялик спортчилар Ли Юнри ва Парк Жинхо 618,6 балл билан бош совринни қўлга киритган бўлса, жанубий кореялик спортчилар Ли Южин ва Ли Жанхо 614,3 балл билан бронза медалини қўлга киритди.

Таъкидлаш жоизки, қизиқарли мусобақада 49 давлатдан 260 нафардан ортиқ спортчи иштирок этмоқда. Мусобақа 1 майга қадар давом этади.