Қозоғистонлик олимларнинг 14 та илмий ишланмаси экспортга чиқарилди
Бу ҳақда Kazinform Қозоғистон Таълим ва фан вазирлиги матбуот хизматига таяниб хабар беради.
Барча лойиҳалар Қозоғистон Республикаси Таълим ва фан вазирлигининг Фан жамғармаси кўмагида амалга оширилди. Сотиш ҳажми юзлаб миллион тенгедан ошади, олимлар эса пассив даромад олишмоқда. Илмий ишланмаларга кобалт-57 радиоизотопи, моғорга қарши препаратлар, тиббий, озиқ-овқат ва маиший санитария учун биологик препаратлар, сут зардобига асосланган ичимликлар, пробиотиклар ва бошқалар киради.
«Фан жамғармаси ўзининг 15 йиллигини нишонламоқда. Охирги икки йилда 130 га яқин лойиҳа молиялаштирилди. Жамғарма илмий ва илмий-техникавий фаолият натижаларини тижоратлаштириш лойиҳаларини грант маблағлари билан таъминлаш оператори ҳисобланади. Бугунги кунга қадар 113 та илмий эҳтиёжга эга ишлаб чиқаришни йўлга қўйган бўлсак, шундан 14 таси экспорт қилинмоқда. 1,5 мингга яқин иш ўрни яратилди. Интеллектуал мулк муаллифлари ва илмий ишланмалардан фойдаланувчи корхоналар ўртасида 45 та лицензия шартномаси имзоланди», — деди Қозоғистон Таълим ва фан вазирлиги Фан жамғармаси раиси Aрин Орсариев.
Ядро физикаси институти олимлари кобалт-57 радиоактив изотопини арзон нархда олишнинг янги технологиясини ишлаб чиқди. Ушбу маҳсулот ядро тиббиётида тадқиқот ускуналарини ишлаб чиқаришда тиббий томографларнинг сифатини назорат қилиш учун ишлатилади. Лойиҳа тижоратлаштирилди ва маҳаллий олимлар технологияси саноат ишлаб чиқаришида кобалт-57 изотопининг эритмасини ишлаб чиқаришни бошлади. Қозоғистон маҳсулотлари халқаро бозорга чиқди ва бугунги кунда Россияга кобальт радиоизотопининг партияси етказилмоқда.
Давлат томонидан қўллаб-қувватланаётгани натижасида қозоғистонлик олимлар хорижлик олимлар қатори тиббиёт, нано ва биотехнологиялар, сунъий интеллект, геология, минерал ва углеводородларни қайта ишлаш, қишлоқ хўжалиги хавфсизлиги ва экология каби соҳалардаги замонавий ишланмаларда иштирок этмоқда.
Илм-фан жамғармаси кўмагида мамлакатимизда шамол ва қуёш энергияси учун ноёб генераторлар ишлаб чиқариш йўлга қўйилди.
«Қурилмани ташқи қувват манбаига улаш шарт эмас, у асосий ва захира қувват манбаи сифатида ишлатилади. Шунингдек, электр тармоғидан узоқда жойлашган объектларни электр эхнергияси билан таъминлаш муаммосини ҳал қилади. Шамол генераторлари довуллар, бўронлар, музлаш, паст ҳароратларга чидамли. Ушбу генераторлардан маҳаллий ҳудуднинг географик ва иқлимий хусусиятларидан қатъи назар фойдаланиш мумкин. Ускуналарга талаб катта, бугунги кунда сотувлар ҳажми 100 миллион тенгедан ошади», - деди лойиҳа раҳбари Жанболат Музбаев.
Микробиология ва вирусология институти олимлари моғорларга қарши «Розеофунгин-AС» препаратини яратдилар. Малҳам тери микозларини даволаш учун мўлжалланган ва юқори самарадорликни кўрсатди. Препарат ноёб таркибга эга ва антимоғор таъсирнинг кенг доирасига эга. «Розеофунгин-AС» препарати диагностика ва даволашнинг клиник протоколига ва Қозоғистон миллий дори формуляри рўйхатига киритилган.
