Қозоғистонлик мутахассислар Сардоба сув омборида аудит ўтказади

NUR-SULTAN. Kazinform – Қозоғистон томони Сардоба сув омборини келгусида тугатиш позициясини эгаллайди. Бу ҳақда Қозоғистон Бош вазири Асқар Мамин Парламент Мажилиси депутатининг расмий саволига жавобан маълум қилди, деб хабар беради Kazinform мухбири.

«Жорий йилнинг 8 май куни Қозоғистон Республикаси Президенти Қ.К.Токаев ва Ўзбекистон Республикаси Президенти Ш.Мирзиёев Ўзбекистон Республикасида жойлашган Сардоба сув омбори тўғонининг бузилиши муносабати билан телефон орқали гаплашдилар. Суҳбат давомида давлатлар раҳбарлари трансчегаравий дарё ресурсларини биргаликда бошқариш ва улардан фойдаланиш механизмларини такомиллаштиришга келишиб олдилар. Шундай қилиб, Қозоғистон Республикаси ва Ўзбекистон Республикаси Президентлари томонидан эришилган келишувларни амалга ошириш мақсадида ҚР Экология, геология ва табиий ресурслар вазири М.Мирзағалиев ва ЎР Сув хўжалиги вазири Ш.Хамраев даражасида иккита учрашув, шунингдек битта видеоконференция ўтказилди. - деди Бош вазир.

Унинг таъкидлашича, ушбу учрашувлар давомида қозоғистонлик ва халқаро экспертларни жалб қилган ҳолда Сардоба сув омборида техник аудит ўтказиш ва 1991 йилдан бери қурилган ва реконструкция қилинган сув ҳавзаларини текшириш (мониторинг) ўтказиш бўйича келишувларга эришилди.

«Шу билан бирга, Қозоғистон томони Сардоба сув омборини келгусида йўқ қилиш позициясини эгаллайди. Бундан ташқари, қарор техник аудит натижалари асосида қабул қилинади. Шу муносабат билан томонлар Қозоғистон Республикаси ва Ўзбекистон Республикаси ўртасида сув муносабатлари соҳасидаги ҳамкорликнинг йўл харитасини имзоладилар, унда муаммоларни ҳал қилиш бўйича чора-тадбирлар мавжуд», - деди Бош вазир.

Бош вазирнинг сўзларига кўра, «Йўл харитаси»га мувофиқ, бу йил Қозоғистон Республикаси ва Ўзбекистон Республикаси ҳудудида 1991 йилдан кейин қурилган сув иншоотларини текшириш режалаштирилган.

Шу муносабат билан Қозоғистон Республикаси Экология, геология ва табиий ресурслар вазирлиги томонидан тажрибали муҳандислар ва лойиҳалаш муҳандислари орасидан қозоғистонлик мутахассислар гуруҳи шакллантирилди. Қозоғистонлик мутахассислар 1991 йилдан кейин қурилган сув иншоотларини текшириш ва Сардоба сув омборида техник аудит ўтказиш учун Ўзбекистон Республикасига ташриф буюриши кутилмоқда», - деди Асқар Мамин.

Эслатиб ўтамиз, 1 май куни кучли ёмғир ва кучли шамол туфайли Ўзбекистондаги Сардоба сув омборининг тўғони ёрилиб, Қозоғистон Республикаси Туркистон вилоятидаги бир нечта қишлоқларни сув босганди.

Муаллиф: Марлан Жиембай