Қозоғистонлик Михаил Кукушкин Уимблдон саралаш босқичи финалига чиқди
М.Кукушкин саралаш босқичининг ярим финалида дунё рейтингида 230-ўринни эгаллаб турган германиялик 38 ёшли Филипп Кольшрайбер билан куч синашди.
Дастлабки партияда тай-брейкда немис спортчиси муваффақиятли ўйнади – 7:6 (7:4).
Аммо иккинчи сетда М.Кукушкин жавоб қайтарди - 6:3.
Учинчи, ҳал қилувчи ўйинда у 2:0 ҳисобида олдинга чиқиб олди. Ҳисоб 5:2 бўлиб, тўп ўйинга ташланганида қозоғистонлик теннисчи бу имкониятдан фойдалана олмади. Аммо кейин у мақсадига эришди - 6: 4.
Икки соату 20 дақиқа давом этган баҳсда М.Кукушкин 4 та эйс амалга оширди ва 8 та брейк-пойнтнинг ярмидан фойдаланди. Унинг рақиби 8 эйс ва 2 брейкдан фойдаланди.
М.Кукушкин саралаш босқичи финалида дунёнинг 178-ракеткаси венгриялик Жомбор Пирош билан учрашади. Агар ғалаба қозонса, йилнинг учинчи «Катта дубулға» турнирига йўлланма олади.
Муаллиф: Елжан Ерали
