Қозоғистонлик қутқарувчилар Туркиядаги вайроналар остидан 26 кишини олиб чиқди, улардан етти нафари - тирик
Қозоғистон Республикаси Фавқулодда вазиятлар вазирлиги матбуот хизмати хабарига кўра, қутқарувчиларнинг иши кўплаб вайроналар ва уларнинг силжиш хавфи туфайли мураккаблашмоқда.
Бугун Қозоғистондан келган мутахассислар 7 кишини қутқариб, тиббиёт ходимларига топширди. Вайроналар остидан ҳалок бўлган 19 киши, жумладан бир бола жасади чиқарилди.
Қозоғистон Фавқулодда вазиятлар вазирлигининг Табиий офатлар тиббиёти маркази шифокорлари жароҳатланганларга кечаю кундуз биринчи тиббий ёрдам кўрсатмоқда.
«Газиантепда пневмокаркасли модуль асосидаги тиббиёт пункти ўрнатилди, ундан шахсий иситиш учун ҳам фойдаланилади. Бизнинг асосий вазифамиз жабрланганларга, қутқарувчиларга, шунингдек, ҳалок бўлганларнинг қариндошлари ва яқинларига тез ёрдам кўрсатишдан иборат. Кунига ўртача 35 дан ортиқ жароҳат олганлар тиббий ёрдамга мурожаат қилишади. Улар орасида ўткир стресс реакцияси, нафас олиш йўллари касалликлари, шунингдек, турли жароҳатлар билан боғлиқ касалликлар устунлик қилади. Ҳар куни ўртача ҳисобда 40-50 киши, жабрланганларнинг қариндошлари ва яқинлари шахсий таркибнинг иссиқлик шохобчасига исиниш учун келади. Табиий офатлар тиббиёти марказининг тиббиёт пункти ва тиббий хизмати барча зарур тиббий асбоб-ускуналар ва дори-дармонлар билан таъминланган. Шошилинч ва шошилинч бўлмаган тиббий ёрдам кўрсатиш мақсадида маҳаллий органлар билан ҳамкорлик қиламиз», — деди Қозоғистон Республикаси Фавқулодда вазиятлар вазирлиги Табиий офатлар тиббий марказининг Алмати филиали раҳбари Жазилбай Қозибахов.
Газиантеп шаҳри Туркияга етиб келган қозоғистонлик қутқарувчиларнинг биринчи эшелонини қидирув-қутқарув ишларини олиб бориш ҳудуди сифатида тасдиқланди. Ҳозир бу ерда мутахассислар икки сменада 3 та участкада кечаю кундуз ишламоқда.
Қутқарувчиларнинг биринчи гуруҳи бутунлай вайрон бўлган тўққиз қаватли бино вайроналари устида ишламоқда. Бу ерда 4 киши қутқарилди, ҳалок бўлган 4 нафар аёлнинг жасади олиб чиқилди.
Қутқарувчиларнинг иккинчи гуруҳи олти қаватли бинода ишламоқда. Бино қисман вайрон бўлган, қўллаб-қувватловчи тузилмаларнинг ишдан чиқиши туфайли тўлиқ қулаш хавфи мавжуд. Муҳандислик ускуналари ёрдамида бино 3-қаватгача демонтаж қилинди, вайроналар орасидан одамларни қидириш давом этмоқда. Бу ерда ҳалок бўлган 6 кишининг жасади олиб чиқилди.
Учинчи гуруҳ ҳам олти қаватли бинода ишламоқда. Бино бутунлай вайрон бўлган. Ўлган 4 кишининг жасади вайроналар остидан олиб чиқилди.
Вазирлик маълумотларига кўра, Қозоғистон Фавқулодда вазирлиги қутқарувчиларнинг иккинчи эшалони Туркияга етиб келган пайтдан бошлаб қидирув-қутқарув ишлари туну кун режимига ўтказилди. Иккинчи эшелон учун қидириш жойи сифатида Нурдаги шаҳридаги бутунлай вайрон бщлган бино тасдиқланди.Газиантеп шаҳридан 69 километр узоқликда жойлашган. Мазкур объектда қозоғистонлик қутқарувчилар томонидан одамларнинг жойлашуви ва аҳволини аниқлаш, вайроналар остидаги жабрланганлар билан аудио алоқа ўрнатиш, зарур ёрдам миқдори ва характерини аниқлаш ишлари олиб борилди.
Қозоғистон қутқарувчиларининг тезкор ва малакали ҳаракатлари, шунингдек, жабрланганларни блокдан эвакуация қилиш бўйича ўз вақтида кўрилган чора-тадбирлар туфайли жабрланганларни катта чуқурликдаги уюмлар остидан эвакуация қилиш учун «йўл» қурилди, уч киши – бир эркак ва икки аёл - қутқарилди. Одамлар зудлик билан тиббий ёрдамга етказилди. Яна бир марҳумнинг жасади топилди.
Шу билан бирга, Давлат раҳбарининг топшириғига биноан бир гуруҳ қутқарувчилар ва кинологик тадқиқот отрядлари Хатай посёлкасига жўнатилди. Қидирув объекти бутунлай вайрон бўлган олти қаватли бино ҳисобланади. Мазкур объектда 9-10 феврал кунлари вайроналар остидан ҳалок бўлган 3 кишининг жасади олиб чиқилиб, улардан бири Қозоғистон, икки нафари Туркия фуқароси бўлган.
Эслатиб ўтамиз, қозоғистонлик қутқарувчилар бўлган борт 7 феврал куни Газиантепга жўнаб кетган эди. Мутахассисларнинг иккинчи гуруҳи Газиантепга кечга яқин етиб келди.
Туркияда зилзила вақтида ғойиб бўлган бир неча қозоғистонликлар топилди. Улардан бири Сабина Мамадьярова 8 феврал куни вайроналар остидан қутқариб олинган.
Сўнгги маълумотларга кўра, Туркияда 6 феврал куни содир бўлган вайронкор зилзила қурбонлари сони 20200 нафардан ошган, 80 мингдан ортиқ киши жароҳат олган.
Фото: t.me/qr_tjm