Қозоғистонлик каратэчилар Японияда ўтказилган турнирда 16 медални қўлга киритди

ASTANA. Kazinform - Япониянинг Тояма шаҳрида киокушинкай каратэ бўйича нуфузли халқаро турнир бўлиб ўтди. Қарағанди вилоятидан 11 нафар жангчи қатнашди, деб хабар беради Kazinform агентлиги мухбири.

Қарағандилик каратэчилар Япониядан муносиб натижа — 16 та медаль билан қайтдилар: улардан олтитаси олтин.

Қозоғистонликларнинг рақиблари Япония, Россия, Германия ва Кореянинг энг кучли спортчилари бўлди.

“Қарағанди мактаби ўзини ёрқин кўрсатди. Олтита олтин медални қўлга киритишга муваффақ бўлдик. Бу, айниқса, ноябрь ойида Австралияда бўлиб ўтадиган жаҳон чемпионати олдидан ажойиб натижа. Унга беш нафар қарағандилик спортчи йўлланма олган. Биз йилнинг асосий стартига қизғин тайёргарлик кўряпмиз”, - дея тушунтирди Қарағанди вилояти Киокушинкай каратэ федерацияси раҳбари Тимур Райимбеков.

Ўзи ҳам “олтин” олди. Илья Опалев, Амира Райимбекова, Жанетта Султановалар ҳам турли йўналишларда биринчи ўринни эгаллади. Владимир Гриневецкий ката ва кумите бўйича икки карра ғолиб бўлди. Унинг супер кучли зарбаси халқаро турнирда энг яхши деб топилди.

Кумуш ва бронза медалларини Думан Балтабай, Амира Райимбекова, Аружан Маден, Виктор Кузнецов, Асем Шаугенбай, Жанетта Султанова, Милослав Парфёнов эгаллади.