Қозоғистонлик Камила Смағулова бадминтон бўйича Гаванадаги турнирда кумуш медални қўлга киритди

ASTANA. Kazinform - Бадминтон бўйича Қозоғистон терма жамоаси вакили Камила Смағулова Куба пойтахти Гаванада ўтказилган XXIII Torneo Internacional Giraldilla 2025 мусобақасида кумуш медални қўлга киритди. Бу ҳақда Миллий олимпия қўмитаси маълум қилди.

Спортчи аралаш жуфтлик баҳсларида шоҳсупанинг иккинчи поғонасига кўтарилди.

Гаванада Смағулова инглиз спортчиси Рохан Хилл билан чиқиш қилди.

Олтин медаль учун финал баҳсида Хилл ва Смағулова гватемалалик спортчилар Диана Сото ва Кристофер Сальвадор жуфтлигига имкониятни бой беришди.