Қозоғистонлик Даяна Федосова Паралимпия ўйинларининг бронза медали соҳибига айланди

ASTANА. Kazinform — Даяна Федосова ХVII ёзги Паралимпия ўйинларининг бронза медалини қўлга киритди. Бу ҳақда ҚР Туризм ва спорт вазирлиги матбуот хизмати хабар берди.

J2 тоифасида 57 килограмм вазн тоифасидаги Даяна Федосова бронза медали учун кечган баҳсда Туркия вакили Дўндю Ешилуртни яққол мағлуб этди ва мамлакат саватчасига навбатдаги совринни қўшиб қўйди.

“Париждаги ёзги Паралимпия ўйинларининг навбатдаги мусобақа кунида мамлакатга совринлар топширилмоқда. Пара дзюдо бўйича жаҳон чемпионати ва Осиё ўйинлари бронза медали совриндори Даяна Федосова ўз ғалабаси билан мухлисларни хурсанд қилди ва Паралимпия ўйинларининг бронза медалини қўлга киритди. Бу пара дзюдо терма жамоаси спортчиларининг Парижда қўлга киритган иккинчи медалидир. Куни кеча Ақмарал Науатбек Парижда Давлат мадҳиясини янгратиб, миллий ғурурни кўтарди. Даянани Паралимпия ўйинлари совриндори бўлгани билан чин қалбимдан табриклайман! Ҳамюртимизга келажакда бундан-да юксак марраларни забт этишини тилайман”, — деди ҚР Туризм ва спорт вазири Ербол Мирзабосинов.

Эслатиб ўтамиз, аввалроқ Ақмарал Науатбек ёзги Паралимпия ўйинлари ғолиби бўлганини ёзган эдик.

Шунингдек, қозоғистонлик сузувчи Нурдаулет Жумағали Паралимпия ўйинларининг кумуш медали соҳибига айланди.