Қозоғистонлик Александр Бублик Лондон турнирининг иккинчи босқичига йўл олди

NUR-SULTAN. Kazinform – Қозоғистоннинг биринчи, дунёнинг 37-ракеткаси Александр Бублик Лондон АТР 500 турнирининг иккинчи босқичиига чиқди, дея хабар беради Кazinform мухбири.

Қозоғистонлик теннисчи илк учрашувини дунё рейтингида 74-ўринни эгаллаб турган италиялик Лоренцо Музеттига қарши ўтказди.

Биринчи сетда А. Бублик ғалаба қозонди - 6:3.

Иккинчи сет бошланишидан олдин италиялик спортчи учрашувни давом эттиришдан бош тортди ва кортга чиқмади.

Атиги 35 дақиқа давом этган баҳсда А.Бублик 7 та эйс ишлади ва учта брейк-пойнтдан биттасини фойдаланди.

Қозоғистонлик спортчи иккинчи босқичда хорватиялик Марин Чилич ёки британиялик Лиам Броэди билан куч синашади.

Соврин жамғармаси 2,1 миллион евродан ортиқ бўлган Лондон ўйинлари 19 июн куни якунланади. Ўтган йили бу мусобақада италиялик Маттео Берреттини чемпион бўлганди.

Аввалроқ Қозоғистоннинг биринчи ракеткаси жаҳон рейтингида 37-ўринга кўтарилгани, қозоғистонлик ёш теннисчи Грузиядаги турнирнинг мутлақ ғолибига айлангани ҳақида хабар берган эдик.

Муаллиф: Елжан Ерали