11:30, 20 Апрель 2022 | GMT +5
Қозоғистондан Тожикистонга парвозлар сони ортади
NUR-SULTAN. Kazinform – Қозоғистон ва Тожикистон ўртасида мунтазам йўловчи қатновлари сони ортади, дея хабар беради Kazinform ҚР Индустрия ва инфратузилмаларни ривожлантириш вазирлигига таяниб.
2022 йил 25 апрелдан бошлаб Тожикистоннинг «Somon Air» авиакомпанияси Б737 самолётларида Душанбедан Алматига халқаро рейслар сонини ҳафтасига 1 тадан 2 тагача оширишни режалаштирмоқда. Қозоғистоннинг «Air Astana» авиакомпанияси ҳам 1 майдан бошлаб Душанбе ва Алмати ўртасидаги рейслар сонини ҳафтасига 1 рейсдан 3 рейсга, 1 июндан эса А320 самолётларида ҳафтасига 3 рейсдан 4 рейсга оширади. Шу тариқа, мамлакатлар ўртасидаги рейсларнинг умумий сони ҳафтасига 6 та рейсга етади», — дейилади вазирлик хабарида.
