Қозоғистондан бир нечта IТ-стартаплар Силикон водийсига йўлланма олди

ASTANА. Кazinform – Мутахассисларнинг фикрича, маҳаллий IТ-саноати йиллар давомида жадал ривожланмоқда. Бундан ташқари, энг яхши лойиҳалар ва стартаплар машҳур Силикон водийсига юборилмоқда, деб хабар беради Кazinform мухбири.

«Бу йил биз статистикани янгиладик. Унга кўра, барча IТ- стартапларининг 20 фоизи аёлларга тегишли. Улар ташкил этган ёки бошқаради. Айтишим мумкинки, улар жуда юқори сифатли стартаплар. Шунингдек, бу йил биз «Силикон водийси» дастурини бошладик. Унга кўра, энг яхши маҳаллий лойиҳалар Силикон водийсига жўнатилмоқда», — деди Astana Hub бошқарувчи директори Алина Абдирахманова МКХда бўлиб ўтган брифингда.

Бундан ташқари, Astana Hub раҳбари Силикон водийсига юборилган маҳаллий IТ-стартапларни номлади.

«Айтганча, Лаура Вайфорова SmarTestPrep стартап лойиҳаси муаллифи. Бу Spotify ёки Netflix каби фойдаланувчи учун энг мос университетларни ҳамда 50 000 та университет ва стипендиялар рўйхатидаги маълумотларга асосланган дастурларни таклиф қиладиган халқаро имтиҳонларга тайёргарлик кўриш учун автоматлаштирилган платформа. Альмира Али - Big Dream lab лойиҳаси асосчиси. AR/VR контентини яратиш билан шуғулланади. Яна Шойбекова - Сitix стартап лойиҳаси асосчиси. Шаҳар шароитида смарт тахталарни ишлаб чиқади ва ўрнатади. Улар ҳозирда Силикон водийсида машғулотлар олиб боришмоқда. Жорий йилда улар 10 миллион АҚШ доллари миқдорида даромад олишди», - дейди у.

Муаллиф: Даулет Изтилеу