Қозоғистондан 8,7 миллион тонна дон экспорт қилинди
ASTANA. Kazinform — “Қозоғистон темир йўли” Миллий акциядорлик компанияси маълумотларига кўра, 2024 йил сентябридан 2025 йил 18 июнига қадар янги дон экинлари экспорти 8,7 миллион тоннага етди. Бу ҳақда ҚР Қишлоқ хўжалиги вазирлиги хабар берди.
«Бу 2023–2024 йилларнинг шу даврига нисбатан 58,7 фоизга кўпдир. Экспорт ҳажмининг сезиларли ўсиши Қозоғистон ғалла экинларига ташқи бозорларда юқори талаб мавжудлигидан далолат беради ҳамда етказиб бериш географиясини кенгайтириш ва логистика инфратузилмасини яхшилаш бўйича кўрилаётган чора-тадбирлар самарадорлигини кўрсатади”, — дейилади хабарда.
Асосий экспорт йўналишлари анъанавий бозорларни ўз ичига олади: Ўзбекистон — 3,1 миллион тонна (+30,3 фоиз), Тожикистон — 1,2 миллион тонна (+46,1 фоиз), Афғонистон — 285 минг тонна (+37 фоиз), Қирғизистон — 209 минг тонна (+85,5 фоиз), Эрон — 963 минг тонна (17,2 минг тоннага ўсиш), Озарбайжон — 696 минг тонна (116,6 баробар ўсиш) .
