Қозоғистонда жазирама иссиқ, шамол ва чанг бўрони кузатилади

ASTANA. Kazinform – «Қазгидромет» синоптиклари 3 июль, душанба куни кутилаётган об-ҳаво маълумотларини эълон қилди, дея хабар беради Kazinform.

Атмосфера фронтлари таъсирида Қозоғистоннинг аксарият ҳудудларида момақалдироқ бўлиб, ёмғир ёғади, шимоли-ғарбий қисмида кучли ёмғир ёғади.

Мамлакатнинг ғарбий, жануби-ғарбий, шарқи ва шимоли-шарқида ҳаво асосан ёғингарчиликсиз бўлади.

Республикада шамол кучайиши, жанубда чанг бўрони, кундузи шимоли-ғарбда дўл, довул, кечаси ва эрталаб шимол ва жануби-ғарбда туман тушиши мумкин.

Алмати, Атирау, Павлодар, Шимолий Қозоғистон, Ақмола, Жетису вилоятларининг кўп қисмида, Қарағанди жанубида, Улитау вилоятларида ҳаво иссиқ бўлади.

Туркистон, Манғистау, Жамбил вилоятларининг кўп қисмида, Ақтўбе, Қарағанди, Қостанай, Алмати, Улитау, Жетису вилоятларининг жанубида, Қизилўрда вилоятининг ғарби ва шарқида, Атирау вилояти ғарбида, Павлодар вилояти шимолида кучли ёнғин хавфи кутилмоқда.

Қизилўрда вилояти марказида, Ғарбий Қозоғистон вилоятининг ғарбида, Абай вилоятининг шимоли-ғарбий ва жанубида, Алмати, Шимолий Қозоғистон вилоятларининг аксарият қисмида ҳамда Жетису вилоятида ёнғин хавфи юқори бўлади.