Қозоғистонда йил охиригача 14 та янги самолёт пайдо бўлади

ASTANA. Kazinform – Ҳозирда мамлакат авиапаркида 104 та самолёт бор, дея маълум қилди ҚР Транспорт вазири ўринбосари Талғат Ластаев Ҳукумат йиғилишида.

Ластаевнинг таъкидлашича, бугунги кунда Қозоғистонда ички ҳаво ташувлари 6 та авиакомпания – Air Astana, FlyArystan, SCAT, Qazaq Air, Южное небо, Жетису 56 та йўналиш бўйича амалга оширилмоқда.

“Ўтган йил давомида йўналишлар сони 10 фоизга ошди, бу эса мамлакат ичида транспорт имкониятлари ошганидан далолат беради. Парвозлар мунтазамлиги 75 фоизни (Европа Иттифоқи – 74 фоиз, АҚШ – 77 фоиз) ташкил этади, бу глобал кўрсаткичларга тўғри келади”, – деди вазир ўринбосари.

Унинг сўзларига кўра, авиаташувлар сифатини ошириш ва кечикишларни камайтиришнинг асосий омилларидан бири бу ҳаво кемалари паркини янгилаш ва кенгайтиришдир. Қозоғистон авиакомпанияси ҳар йили 10-15 та янги замонавий самолёт сотиб олади.

“Айни пайтда ҳаво кемалари парки 104 та самолётдан иборат. Жорий йилнинг бир ярим ойида мамлакат ҳаво парки иккита янги замонавий Airbus А320 NEO лайнерлари билан тўлдирилди ва йил охирига қадар яна 14 та самолётнинг келиши кутилмоқда”, – деди Ластаев.