Қозоғистонда яшаш минимуми қанча

Қозоғистонда яшаш минимуми ҳақида Миллий статистика бюроси маълум қилди, деб хабар беради Kazinform мухбири.

Статистика бюроси маълумотларига кўра, аҳоли жон бошига ўртача яшаш минимуми январдаги 51 548 тенгедан февралда 52 588 га ошган.

Февраль ойида яшаш минимуми бўйича биринчи учликка Алмати вилояти (56 574), Астана (56 169), Улитау (54 282) киради.

Аутсайдерлар Қизилўрда вилояти (46 672), Ғарбий Қозоғистон вилояти (47 408) ва Ақтўбе вилояти (47 463) бўлди.
Яшаш минимуми эркаклар учун 62 562 тенге, аёллар учун 49 680 тенге. Пенсионерларнинг яшаш минимуми ҳам январдаги 48 195 тенгедан февралда 49 163 тенгега ошди.

Яшаш минимуми - бу энг кам истеъмол савати қийматига тенг бўлган бир киши учун энг кам пул даромадидир. Минимал истеъмол савати - бу инсон ҳаётини таъминлаш учун зарур бўлган озиқ-овқат маҳсулотлари, товарлар ва хизматларнинг минимал тўплами. Озиқ-овқат саватида 43 турдаги озиқ-овқат маҳсулотлари мавжуд: гўшт, балиқ, сут, ёғ-мой, нон, мева-сабзавот маҳсулотлари, шунингдек, тухум, шакар, чой, зираворлар ва бошқалар.