Қозоғистонда визанинг янги турлари жорий этилади

NUR-SULTAN. Kazinform - Давлат раҳбари Қасим-Жомарт Тоқаевнинг жорий йил 1 сентябрдаги Қозоғистон халқига Мурожаатномасида мамлакатнинг миграция сиёсати самарадорлигини ошириш бўйича янги чора-тадбирлар тўплами тақдим этилди, дея хабар бермоқда Kazinform ҚР Меҳнат ва аҳолини ижтимоий ҳимоя қилиш вазирлиги матбуот хизматига таяниб.

Уларни амалга ошириш мақсадида келгуси 5 йилга мўлжалланган янги Миграция сиёсати Концепциясида республикада қимматли малака ва инвестиция визалари учун визалар жорий этилиши, уларни қабул қилувчи чет элликлар учун алоҳида шарт-шароитлар назарда тутилган.

Давлат раҳбарининг топшириқларини бажариш мақсадида, янги Концепцияда Қозоғистон учун тез-тез жалб қилинадиган ва айни пайтда етишмайдиган касблар бўйича 100 нафар энг яхши хорижий мутахассисларни жалб қилиш механизми назарда тутилади. Ушбу мутахассисларнинг вазифаси ишлаб чиқаришда ишлаётган қозоғистонликларнинг билимларини узатиш ва ўқитиш бўлади.

Улар учун яшаш учун рухсатномага эга бўлган «Қимматли кўникмалар учун виза» жорий этилади ва қозоғистонлик кадрларнинг малакасини ошириш учун мунтазам янгиланиб турувчи Қимматли кўникмалар рейтинги (етишмаган касблар ва мутахассисликлар) шакллантирилади.

Шунингдек, Давлат раҳбари топшириқларини амалга ошириш доирасида янги Концепция лойиҳасида бизнес иммиграциясига ёндашувлар ўзгартирилади.

Иқтисодий ҳамкорлик ва тараққиёт ташкилоти мамлакатлари тажрибасидан келиб чиқиб, Қозоғистон иқтисодиётига 300 минг АҚШ доллари миқдорида сармоя киритган хорижий ишбилармонлар учун инвестиция ва бизнес визаларини олиш шартларини қайта кўриб чиқиш таклиф қилинмоқда. «Инвестиция визаси» 10 йиллик муқим яшаш ҳуқуқини беради. Виза эгаси бизнесни рўйхатдан ўтказиш, мулкка эгалик қилиш, молиявий операцияларни амалга ошириш имкониятига эга бўлади.

Бу Қозоғистонга йилига 100 тагача бизнес-инвесторларни жалб қилиш мақсадини амалга оширишга, айниқса, ижодий индустрияни ривожлантиришга ёрдам беради.

Бундан ташқари, таълим иммиграциясини ривожлантириш мақсадида Консепсияда қуйидагилар кўзда тутилади:

- академик мобиллик дастурига етакчи хорижий таълим муассасаларини жалб этиш ва икки дипломли таълим амалиётини янада ривожлантириш орқали мамлакат таълим инфратузилмасини кенгайтириш;

- оммабоп мутахассисликлар бўйича 100 та энг яхши ўқитувчиларни ва оммабоп технологиялар бўйича олимларни жалб қилиш. Шу билан бирга, чет эллик олим ва ўқитувчиларга яшаш учун рухсатнома, кейинчалик Қозоғистон фуқаролигини олиш ҳуқуқига эга бўлган узоқ муддатли (10 йилгача) «илмий-педагогик визалар» тақдим этилади.

Ушбу стратегик вазифани амалга ошириш Қозоғистон олий таълими ва фанининг нуфузини, қозоғистонликларнинг интеллектуал ва ижодий салоҳиятини оширади ва пировардида Қозоғистон Республикаси инсон капиталини инновацион ривожлантириш учун шароит яратади.