Қозоғистонда тўртта янги хорижий лоукостер фаолиятини бошлайди

ASTANA. Kazinform - Қозоғистон Республикаси Транспорт вазири ўринбосари Талғат Ластаев Қозоғистон авиация бозорида қандай янги хорижий лоукостерлар пайдо бўлиши ҳақида Ҳукумат йиғилишида гапирди, деб хабар беради Kazinform агентлиги мухбири.

Унинг сўзларига кўра, халқаро рейслар сони йил сайин ортиб бормоқда. Бугунги кунда 31 та давлат ва 58 та шаҳар билан ҳаво қатнови йўлга қўйилган, 119 та йўналиш бўйича парвозлар амалга оширилмоқда.

— Ўтган йили 22 та халқаро йўналиш бўйича 6 та янги шаҳарга, жумладан, Мумбай (Ҳиндистон), Жидда (Саудия Арабистони), Прага (Чехия) ва бошқа йирик марказларга 12 та рейс очилди ва 10 та йўналиш бўйича парвозлар тикланди, — деди Ластаев.

2025 йилда 16 та янги йўналиш, жумладан, Рим, Мюнхен, Будапешт, Шанхай, Гуанчжоу, Пусан ​​(Корея) ва бошқа шаҳарлар режалаштирилган.

— Йўловчилар учун бюджет йўналишларини танлашнинг кенгайиши Қозоғистон халқаро авиация бозорига 4 та янги хорижий лоукостер: SpiceJet (Ҳиндистон), Eastar Jet и T’way Air (Жанубий Корея), ThayAirAsia (Таиланд) келиши ҳисобига ортади, — деди вазир ўринбосари.

Унинг қўшимча қилишича, ўтган йил давомида Қизилўрда, Қостанай, Атирау аэропортларида “очиқ осмон” режими жорий қилинган ва барча халқаро аэропортларда амал қилади.