Қозоғистонда тамаки маҳсулотлари қандай маркаланади

NUR-SULTAN. Kazinform - Қозоғистонда тамаки маҳсулотларини маркалашда акциз маркалари ўрнига штрих-кодлар қўлланилади. Бундай штрих-кодлар тамаки маҳсулотларини ишлаб чиқарувчилар ва импорт қилувчилар томонидан қўлланилиши керак. Бу ҳақда Қозоғистон Республикаси Молия вазирлигининг Давлат даромадлари қўмитаси маълум қилди, дея хабар беради Kazinform.

Солиқ кодексининг 142-моддаси 1-банди 17) кичик бандига ўзгартиришлар киритилиб, унга кўра «акциз маркалари» атамаси «идентификациялаш воситалари» деган атама билан алмаштирилди.

Ушбу қоида 2022 йил 1 январдан кучга кирди.

Идентификация воситаси - бу штрих-код кўринишида тақдим этилган ёки радиочастота ёрлиғида ёзилган ёхуд автоматик идентификациялашнинг бошқа воситалари (технологияси) ёрдамида тақдим этилган машина томонидан ўқиладиган шаклдаги белгиларнинг ноёб кетма-кетлиги (31-банд) Қозоғистон Республикасининг «Савдо фаолияти тўғрисида» ги Қонунининг 1-моддаси).

Тамаки маҳсулотларини идентификациялаш воситалари билан маркалаш тамаки маҳсулотларини ишлаб чиқариш/импортдан то якуний истеъмолчига сотишгача кузатиб боришини таъминлайди. Ушбу маркалаш туфайли истеъмолчиларга сотиб олинган маҳсулот ҳақида батафсил маълумот олиш имконияти берилади.

Қоғоз акциз маркалари бундан мустаснолигини ҳисобга олиб, 2022 йил 1 январдан бошлаб тамаки маҳсулотларига фақат идентификация воситалари билан маркаланади.

Алкоголли маҳсулотларга нисбатан бундай маҳсулотлар аввал амалда бўлган ҳисобга олиш-назорат белгиси билан маркаланади.