Қозоғистонда сариёғ ишлаб чиқариш кўпайди
ASTANA. Kazinform - Қозоғистонда 2024 йил январь-декабрь ойларида сариёғ ишлаб чиқариш ҳажми 2023 йилнинг шу даврига нисбатан 4,7 фоизга ошди, дея хабар беради Kazinform Миллий статистика бюросига таяниб.
Шу вақт ичида Қозоғистон корхоналари 32,5 минг тонна маҳсулот ишлаб чиқарган бўлса, 2023 йилда 31,1 минг тонна сариёғ ишлаб чиқарилган.
Экспорт 2,3 баробар ошди: агар 2023 йилнинг январь-декабрь ойларида 1,7 минг тонна экспорт қилинган бўлса, 2024 йилда экспорт 4,2 минг тоннани ташкил этди. Ўтган йили Қозоғистон сариёғи Россия, Туркманистон, Арманистон ва Қирғизистонга экспорт қилинди.
Сариёғ импорти 28,8 фоизга қисқарди ва 2024 йилда 6,5 минг тоннадан ортиқни ташкил этди. Импорт қилинган маҳсулотларнинг ички бозордаги улуши 16,7 фоизни ташкил этди. Сариёғ Франция, Эрон, Россия, Қирғизистон, Беларусь, Украина, Ўзбекистон, Финляндия, Литва, Польша, Покистон ва Туркиядан келтирилди.
2024 йилнинг 12 ойи якуни бўйича ички бозорда 34,8 минг тонна сариёғ сотилган.
2025 йил январь ойида сариёғ йиллик баҳода 13 фоизга қимматлашди, Қозоғистонда ўртача бир килограмм учун 4471 тенгени ташкил этди. Шу билан бирга, энг юқори ўртача нарх Ақтауда – 6 298 тенге/кг, энг пасти Туркистон шаҳрида – 3 796 тенге/кг қайд этилган.
