Қозоғистонда пенсиялар 7 фоизга ошди

NUR-SULTAN. Kazinform – Бугундан бошлаб Қозоғистонда ойлик ҳисоб-китоб кўрсаткичи (ОҲК) 2917 тенге этиб белгиланди. Шу туфайли пенсия, нафақа, бошқа ижтимоий тўловлар, солиқлар ва жарималар миқдори ўзгарди, деб хабар беради Kazinform мухбири.

Хусусан, 2021 йил 1 январдан:

- энг кам иш ҳақи 42 500 тенгени ташкил этади;

- давлат базавий пенсия тўловининг энг кам миқдори - 18 524 тенге;

- енг кам пенсия 43 272 тенгени ташкил этади.

Имтиёзлар ва бошқа ижтимоий нафақаларни ҳисоблаш, шунингдек жарималар, солиқлар ва бошқа тўловларни қўллаш учун ойлик ҳисоб-китоб кўрсаткичи Қозоғистон Республикаси қонунларига мувофиқ 2917 тенге миқдорида белгиланган. Асосий ижтимоий нафақалар миқдорини ҳисоблаш учун энг кам яшаш даражаси 34 302 тенге этиб белгиланган.

Ёшга боғлиқ пенсия таъминоти ва ишлаган йиллари учун пенсия таъминоти учун харажатлар 1 январдан бошлаб 7 фоизга ошади.