Қозоғистонда олтин нархи ошди

ASTANA. Kazinform – Олтиннинг бир грамми тахминан 56 527 тенгега тенг.

Қозоғистон Республикаси Миллий банки маълумотларига кўра, 17 июль куни олтиннинг бир грамми 56 527,25 тенгега баҳоланган.

Ўтган пайшанба, 10 июлда қимматбаҳо металнинг нархи тахминан 54 862 тенгени ташкил қилган эди.

Аввал хабар қилинганидек, 2025 йилнинг биринчи чорагида Қозоғистонда мис, никель, кўмир, олтин ва нодир ер металларининг тахминий ресурсларига эга 38 та истиқболли участка аниқланган.

Эслатиб ўтамиз, Қозоғистон олтин заҳиралари бўйича дунёнинг 20 та давлати қаторига киради. Охирги 10 йилда мамлакатда таркибида олтин сақловчи рудаларни қазиб олиш 2,2 баробар ошди.

Бутунжаҳон олтин кенгаши маълумотларига кўра, 2025 йилнинг биринчи чорагида олтинга бўлган умумий талаб ўтган йилга нисбатан 1 фоизга ошиб, 1206 тоннани ташкил қилган – бу 2016 йилдан бери биринчи чоракдаги энг юқори кўрсаткичдир.

Марказий банклар биринчи чоракда 244 тонна олтин сотиб олди, бу ўтган чоракдагидан кам.

Олтин заргарлик буюмларига талаб ҳам рекорд нархлар фонида кескин пасайиб, ҳажмлар 2020 йилдан бери энг паст даражага етди. Қиймат жиҳатидан истеъмолчининг олтин тақинчоқларга бўлган харажатлари ўтган йилнинг шу даврига нисбатан 9 фоизга ошиб, 35 миллиард долларни ташкил этди.

Миллий статистика бюроси маълумотларига кўра, Қозоғистонда 2024 йилда олтин заргарлик буюмлари нархи 8,3 фоизга ошган.