Қозоғистонда ўқитувчи бўлишни истайдиган абитуриентлар сони ортиб бормоқда

ASTANA. Kazinform – Жорий йилда Қозоғистонда давлат грантига даъвогарларнинг 25 фоизи педагогик касбни танлади. Бу ҳақда ҚР Бош вазири ўринбосари – Меҳнат ва аҳолини ижтимоий ҳимоя қилиш вазири Тамара Дуйсенова маълум қилди, деб хабар беради Kazinform мухбири.

«Фақат шу йилнинг ўзида давлат грантига ҳар тўртинчи номзод, шунингдек, 1500 дан ортиқ «Олтин белги» соҳиблари ўқитувчи касбини танлаган. Бундан 5 йил аввал педагогика йўналишига ўқишга кирган абитуриентлар 50 балл тўплаган бўлса, бу йил энг кам балл 111 баллни ташкил этади», – деди Тамара Дуйсенова таълим ходимларининг республика миқиёсидаги август кенгашида.

Унинг сўзларига кўра, бу ўқитувчининг касбий мавқеи ошиб бораётгани, педагогик корпуснинг сифати мустаҳкамлангани, қабул қилинган давлат чора-тадбирларининг тўғрилигини англатади.

«Таълим тизимида белгиланган кўрсаткичларга эришишга йўналтирилган маблағлар миқдори фақат охирги 5 йилда икки баробарга ёки 2 триллиондан 4,5 триллион тенгега кўпайди. Бугунги кунда бундай маблағлар Қозоғистон таълим тизимига сарфланмоқда. Аммо шуни тушуниш керакки, янги ҳолат олдимизга янги вазифалар юклайди», – деди Вазир.

Муаллиф: Марлан Жиембай