14:29, 18 Март 2025 | GMT +5
Қозоғистонда қанча автотранспорт бор
ASTANA. Kazinform — Февраль ойида 149,2 мингта транспорт воситаси рўйхатга олинди. Бу ҳақда Миллий статистика бюроси хабар берди.

«2025 йил февраль ойида 149,2 мингта транспорт воситаси рўйхатга олинган. Бу кўрсаткич ўтган йилнинг шу даврига нисбатан 9,2 фоизга ошди», - дейилади хабарда.
Улардан енгил автомобиллар 8 фоизга, юк автомобиллари 26,2 фоизга ошган, автобуслар 6,8 фоизга камайган.
2025 йил 1 март ҳолатига кўра, Қозоғистонда рўйхатга олинган автотранспорт воситалари сони 5791,7 мингтани ташкил этди, шундан 88,1 фоизи енгил автомобиллар, 9,9 фоизи юк автомобиллари, 2 фоизи автобуслардир.