Қозоғистонда ижтимоий аҳамиятга эга озиқ-овқат маҳсулотлари нархлари индекси қандай ўзгарган

ASTANA. Kazinform — ҚР Савдо ва интеграция вазирлиги йил бошидан буён ижтимоий аҳамиятга эга озиқ-овқат маҳсулотлари нархининг ўзгаришига изоҳ берди.

“Расмий статистик маълумотларга кўра, 13 май ҳолатига кўра, ижтимоий аҳамиятга эга озиқ-овқат маҳсулотлари нархлари индекси йил бошидан буён 106,2 фоизни ташкил этди”, — дейилади вазирликнинг Kazinform агентлигига берган жавобида.

Ҳудудлар бўйича ижтимоий аҳамиятга эга озиқ-овқат маҳсулотлари нархлари индекси йил бошидан буён қуйидаги даражаларда бўлди: Улитау вилояти — 109,9 фоиз, Ақтўбе вилояти — 108,1 фоиз, Ақмола вилояти — 107,9 фоиз, Абай вилояти — 107,6 фоиз, Жетису вилояти — 107,5 фоиз, Алмати вилояти — 107,1, Жамбил ва Шимолий Қозоғистон вилоятлари — 106,8 фоиз, Қарағанди вилояти — 106,6 фоиз, Шарқий Қозоғистон вилояти — 106,3 фоиз, Чимкент шаҳри — 106,2 фоиз, Павлодар вилояти — 106,1 фоиз, Қизилўрда вилояти — 106,0 фоиз, Қостанай вилояти — 105,9 фоиз, Алмати шаҳри — 105,8 фоиз, Манғистау вилояти – 105,7 фоиз, Туркистон вилояти –105,2 фоиз, Ғарбий Қозоғистон вилояти — 104,9 фоиз, Астана шаҳри — 104,7 фоиз, Атирау вилояти — 104 фоиз.