Қозоғистонда ишлаб чиқариш саноати корхоналари ғазнага 2,7 трлн тенге солиқ тўлаган
2022 йил якунига кўра, ишлаб чиқариш саноати мамлакат ялпи ички маҳсулотининг 13,4 фоизини ташкил қилди. Бу ҳақда ҚР Саноат ва қурилиш вазири Қанат Шарлапаев Ҳукумат йиғилишида маълум қилди, дея хабар беради Кazinform мухбири.
-2022 йил якунига кўра, ишлаб чиқариш саноати мамлакат ялпи ички маҳсулотининг 13,4 фоизини ташкил этди, бу мамлакат иқтисодиётига савдо ва тоғ-кон саноатидан кейин қўшилаётган ҳисса бўйича учинчи ўринни эгаллайди, — деди Қанат Шарлапаев.
Вазирнинг қўшимча қилишича, саноатда ишлаб чиқариш ҳажмининг динамикаси ижобий.
– Ўтган йилни 21,1 триллион тенгелик маҳсулот ишлаб чиқариш билан якунладик, бу беш йил аввалгига нисбатан 2,2 баробар кўпдир, – дейди Қанат Шарлапаев.
Қайд этилишича, соҳада 20 мингга яқин корхона фаолият юритиб, уларда 613,7 мингта доимий иш ўринлари мавжуд.
Ишлаб чиқариш корхоналари томонидан бюджетга 2,7 трлн тенге солиқ тўланган.
Муаллиф: Серик Сабеков
