Қозоғистонда ишлаб чиқарилган товарларнинг ягона реестри яратилади

ASTANА. Каzinform – Қозоғистон Республикаси Бош вазири Алихан Смаилов маҳаллий ишлаб чиқарувчиларни давлат томонидан қўллаб-қувватлаш механизмлари самарадорлигини ошириш масалаларига бағишланган йиғилиш ўтказди, дея хабар беради primeminister.kz.

Йиғилиш иштирокчилари товарнинг Қозоғистонда ишлаб чиқарилганлигини тасдиқлашнинг янги усулларини кўриб чиқдилар.

Шу тарзда, етказиб берувчилар турли давлат томонидан қўллаб-қувватлаш чораларига мурожаат қилишлари мумкин бўлган маҳаллий товарларнинг ягона реестрини шакллантириш ва юритиш тавсия этилади.

Тегишли ишлаб чиқариш ва технологик шароитлар, масалан, лойиҳа ҳужжатлари, ишлаб чиқариш майдончалари, ускуналар, малакали мутахассислар ва бошқаларни бир марта тасдиқлаш орқали реестрга кириш мумкин.

Бундай ёндашув товар ишлаб чиқарилган мамлакатни идентификация қилиш тўғрисидаги пуллик сертификатлар беришни, шунингдек, импорт қилинадиган товар ишлаб чиқарувчиларни давлат томонидан қўллаб-қувватлаш чораларини олиш шартларини бекор қилиш имконини бериши кутилмоқда.

Бундан ташқари, бир қатор жараёнларни автоматлаштириш ва рақамлаштириш орқали ўз маҳсулотларини бошқа давлатларга экспорт қилаётган маҳаллий корхоналарнинг юки ҳам камайиши мумкин.

Умуман олганда, Қозоғистон товарларининг келиб чиқишини аниқлаш самарадорлигини ошириш, ҳалол маҳаллий ишлаб чиқарувчиларни давлат томонидан қўллаб-қувватлаш чора-тадбирларини йўналтириш, маҳаллийлаштиришни ривожлантиришни рағбатлантириш, республикада ишлаб чиқариш қувватларини модернизация қилиш ва кенгайтириш, турли товарларга нарх белгилашнинг шаффофлигини ошириш ва ҳ.к. имконини беради.

Бош вазир янги тизимни ишлаб чиқишни «Атамекен» МТП ва тармоқ бирлашмалари билан яқин ҳамкорликда давом эттириш кераклигини таъкидлади.

«Реестрнинг давлат органларининг маълумотлар базалари билан интеграциялашувини таъминлаш зарур, шунда тадбиркорлик иштирокини қўшимча кўчирмалар билан тасдиқлаш талаб этилмайди. Умуман олганда, реестр товарларнинг келиб чиқиши ҳақидаги ишончли маълумотларнинг ягона манбасига айланиши ва ҳалол тадбиркорлик манфаатлари йўлида ишлаши керак», — деди Алихан Смаилов.