Қозоғистонда ҳуқуқий маслаҳатлар берадиган сунъий интеллект ишлаб чиқилмоқда

ALMATY. Кazinform — Келажакда ҳуқуқий маслаҳатлар сунъий интеллектдан олиниши мумкин.

Бу ҳақда Алмати Адлия департаменти бошлиғи Балайим Кесебаева ҳудудий коммуникациялар хизматида бўлиб ўтган матбуот анжуманида маълум қилди.

Маърузачининг сўзларига кўра, Адлия вазирлиги томонидан «Digital Justice» ташаббуси доирасида юридик хизматлар сифати ва улардан фойдаланиш қулайлигини оширишга қаратилган қатор лойиҳалар амалга оширилмоқда.

— «E-ZanKomegi» ҳуқуқий ёрдам ягона ахборот тизимини яратиш муҳим қарорлардан бири бўлди. Ушбу тизим аллақачон 1949 нафар адвокат ва ҳуқуқий маслаҳатчини бирлаштирган. 2023-2024 йилларда платформа орқали 88 738 та иш кўриб чиқилди, портал фойдаланувчилари сони 6 749 нафарга етди. Фуқароларга қулайлик яратиш мақсадида юридик хизмат операторларидан кечаю кундуз маслаҳат олиш имконини берувчи “видеоқўнғироқ” функцияси ишга туширилди. Бундан ташқари, сунъий интеллект элементларига эга чатбот синовдан ўтказилмоқда, — деди у.

Янги АI ҳар бир илованинг ўзига хос хусусиятларини ҳисобга олади ва фойдаланувчиларга мослаштирилган тавсиялар беради.

— Адлия вазирлиги томонидан юридик хизматлар кўрсатиш платформаларини ишлаб чиқиш учун мамлакатнинг етакчи IТ-компаниялари ва университетлари вакилларидан иборат ишчи гуруҳ тузилди, — деди Б. Кесебаева.

Бундан ташқари, фуқаролар бепул ҳуқуқий ёрдам олишлари мумкин бўлган Аҳолиги хизмат кўрсатиш марказлари каби “юридик клиникалар” очиш режалаштирилган.

Эслатиб ўтамиз, аввалроқ Қозоғистонда робот суд ижрочиси қарздорларнинг 7,5 миллион тенгесини тежаб қолгани ҳақида хабар берган эдик.