Қозоғистонда газ билан ишлайдиган автомобиллар сони бир йил ичида 16 фоизга ошди

ASTANA. Kazinform – Мамлакатда газда ишлайдиган автомобиллар сони бир йил ичида 582 мингдан 677 мингтага кўпайди. Бу ҳақда ҚР Энергетика вазири Ерлан Ақкенженов Ҳукумат йиғилишида маълум қилди.

“Вазирлик томонидан ҳар ойда ҳудудларга 130 минг тоннага яқин суюлтирилган газ етказиб берилмоқда. Ваҳоланки, газ тақсимоти ҳажми ҳудудлар эҳтиёжларидан 25-30 минг тонна ёки 23 фоизга кам.

Ички ишлар вазирлиги маълумотларига кўра, 2024 йилда газда ишлайдиган автомобиллар сони 677 мингтани ташкил этди ёки 2023 йилга нисбатан 16 фоизга ўсди”, - деди вазир.

Вазир суюлтирилган газ нархининг пастлиги ушбу маҳсулот истеъмолининг ошишига сабаб бўлаётганини таъкидлади.