Қозоғистонда Европа иммунизация ҳафталиги бошланди

ASTANA. Kazinform - Иммунизация ҳафталиги 27 апрелдан 3 майга қадар “Ҳамма учун иммунизацияга эришиш — бизнинг қўлимизда” шиори остида ўтказилади, дея хабар беради Кazinform агентлиги ҚР Соғлиқни сақлаш вазирлигига таяниб.

Ҳафталикнинг мақсади — иммунизация ҳаётни сақлаб қолишини эслатишдир.

— Иммунизация туфайли Қозоғистонда 1996 йилдан бери полиомиелит, 2009 йилдан бери дифтерия рўйхатга олинмаган. Паротит билан касалланиш 100 баробардан ортиқ, гепатит А 32 баробар, В гепатити 92 марта, қизилча касаллиги 2000 мартадан ортиқ камайди, — дея маълум қилди Соғлиқни сақлаш вазирлиги.

Бугунги кунда иммунизация дастури 21 та инфекциядан ҳимоя қилишни ўз ичига олади.

Бироқ, яқинда қизамиқ ва кўк йўтал билан боғлиқ эпидемиологик муаммо юзага келди: қизамиқ билан касалланганларнинг 75 фоизи ва кўк йўталнинг 87 фоизи мунтазам эмланмаган болаларда учради.