Қозоғистонда дуал таълим: мақсад ва вазифалар

None
None
NUR-SULTAN. Kazinform – Қозоғистонда дуал таълим тизими жорий йилда 10 ёшга тўлди. Дастлаб у коллежларда ва 2016 йилдан эса олий ўқув юртларида жорий этилган, деб хабар беради Kazinform.

Эслатиб ўтамиз, дуал таълим – бу назарий ва амалий компонентлар бирлаштирилган таълим тури. Талабалар таълим муассасасида нафақат маърузалар ўқиб, имтиҳон топширишади, балки корхоналардаги иш жараёнида ҳам қатнашадилар. Лойиҳанинг асосий мақсади ишлаб чиқариш вазифаларини осонликча бажара оладиган малакали битирувчини тайёрлашдир.

Шундай қилиб, келажакдаги мутахассислар учун бу касб бўйича зарур тажриба орттириш учун ажойиб имконият, иш берувчи учун эса энг яхши талабалар орасидан ходимларни танлаш имконияти.

Айтганча, бундай таълим тизими ғояси биринчи марта Германияда пайдо бўлган. Бугунги кунда бу мамлакатда дуал таълим нуфузли ва машҳур ҳисобланади. Қайд этиш жоизки, ишчиларни тайёрлашнинг немис модели қатор мамлакатларда, хусусан, Италия, Франция, Хитой, Россияда муваффақиятли фаолият юритмоқда.

Қозоғистонда дуал таълимни жорий этиш лойиҳасида 600 дан ортиқ таълим муассасалари иштирок этмоқда. Шулардан бири Сафи Утебаев номидаги Атирау нефт ва газ университетидир. Шундай қилиб, бу йил университет 13 нафар талабасини «Транстелеком»га амалиётга юборди. Булар «Автоматика ва бошқарув», «Радиотехника, электроника ва телекоммуникатсиялар», «Инфокоммуникация тизими ва тармоқлари» каби мутахассисликлар талабаларидир. Бир неча ой давомида ТТC устозлари 4-курс талабалари билан ўз тажрибалари билан ўртоқлашади ва назарий билимларни амалиётда мустаҳкамлашга ёрдам беради.


Сўнгги хабарлар
telegram