Қозоғистонда чой ва қаҳва нархи қанча
ASTANА. Кazinform — Кўпчилик қозоғистонликлар туш пайтида ва кечқурун чой ичишни яхши кўрадилар. Қаҳва ичувчилар ҳам кўп. Икки ичимликнинг нархи ҳудудларда фарқ қилади. Каzinform мухбири нархларни солиштирди.
Қозоғистонда чой ичувчилар кўп. Ҳеч бир тўй ёки йиғин чойсиз ўтмайди. Таҳлил давомида 220-250 грамм оғирликдаги чой гранулалари нархларини солиштирдик.
1000 тенгега баҳоланган чойни Қозоғистоннинг бир қанча ҳудудларида харид қилиш мумкин. Қизилўрда ва Чимкентда нархлар 900 тенгедан бошланади. Қостанайда нарх 911-1511 тенге орасида. Баъзи чой турлари бундан ҳам қимматроқ. Ақтўбеда чой нархи 957-1960 тенге атрофида, Таразда эса 959 тенгедан бошланиб, 1229 тенгега етади.
Туркистон, Семей, Ўскемен ва Павлодарда қора чойнинг нархи 1000 тенгедан бошланади. Бу ҳудудларда чой нархи 2300 тенгега етади.
Кўкшетауда чой 1095 тенгедан 1639 тенгегача сотилмоқда. Талдиқорғанда 1099-1639 тенге деб кўрсатилган. Қозоғистон пойтахтида ҳам нархлар ҳар хил. Бу ерда 1167 тенгедан бошланиб, 2800 тенгегача боради. Шу билан бирга, Атираудаги нарх 1167 тенгедан 2800 тенгегача.
Ақтау, Орал ва Петропавлда нархлар 1200 тенгедан бошланади. Ақтауда бир пачкаси 1240 тенгедан сотилмоқда. Оралда эса 1280 тенгедан бошланиб, 2280 тенгегача боради. Петропавлда эса чой 1295-2848 тенге туради.
Қарағандида чойнинг ўртача нархи — 1310 тенге. Алматидаги нарх тахминан бир хил. Бу ерда чой нархи — 1330-3155 тенге. Жезқазғанда нарх энг қиммат бўлиб чиқди. 220-250 граммлик чой 1440 тенге туради.
Оғирлиги 95 грамм бўлган қаҳва нархи ҳар ҳудудда ҳар хил.
Ақтау ва Павлодарда нархлар 1200 тенгедан бошланади. Сувда тез эрийдиган қаҳванинг нархи айрим жойларда 3000-4900 тенгега етади. Ақтўбеда қаҳва нархи 1352 тенгедан 2504 тенгегача. Атирауда нарх — 1378-2551 тенге, Алматида — 1399-6840 тенге.
Туркистон ва Чимкентда нархлар 1400 тенгедан бошланади. Қиммат қаҳвалар ҳам бор. Навига ва ишлаб чиқарувчи мамлакатига қараб нарх ўзгаради.
Кўкшетауда нархлар бироз юқорироқ. 95 граммлик қаҳванинг нархи 1600 тенгедан бошланиб, 4699 тенгегача боради. Қостанайда эса 1753-4700 тенге, Талдиқорғанда — 1780-3020 тенге.
Орал аҳолиси сувда тез эрийдиган қаҳвани 1800-4600 тенгега сотиб олади. Семей ва Ўскеменда нархлар 1880 тенгедан бошланиб, 2450 тенгегача етади.
Астанада қаҳванинг ўртача нархи 2045 тенгедан бошланиб, 4550 тенгегача етади. Таразда қаҳва 2055-3885 тенге туради.
Қозоғистон бўйлаб қаҳва нархи 3000 тенгега яқин бўлган бир қанча шаҳарлар бор. Қарағандида қаҳва нархи 2701 тангадан бошланиб, 4105 тенгегача етади. Қизилўрдада сувда тез эрийдиган қаҳва 2850 – 3800 тенге туради. Энг қиммати эса Жезқазған шаҳрида бўлиб чиқди. У ерда нархлар 2970 тенгедан бошланади ва 4515 тенгегача боради.
Эслатиб ўтамиз, аввалроқ Қозоғистонда пишлоқ нархи қанча экани ҳақида хабар берган эдик.
