Қозоғистонда болалар ва ўспиринларнинг 38 фоизга яқини аллақачон спорт секциялари билан қамраб олинган

NUR-SULTAN. Kazinform – Бугунги кунда маҳаллий ижроия ҳокимият органлари томонидан аҳоли жон бошига спортни молиялаштиришни амалга ошириш учун 5 миллиард 41 миллион тенге маблағ ажратилиб, 40 539 нафар болалар ва ўспиринларни қамраб олган. Бу ҳақда ҚР Маданият ва спорт ишлари бўйича вазир ўринбосари Ерлан Қожағапанов маълум қилди, деб хабар беради Kazinform мухбири.

«Барча ҳудудлар секция ва тўгаракларни жон бошига молиялаштиришни амалга оширадиган давлат буюртмасини бажаришда иштирок этади. Молиялаштиришга келсак, шуни таъкидлашни истардимки, Республика бюджет комиссияси давлат буюртмасини молиялаштириш учун маҳаллий бюджетдан маблағ ажратишни маъқуллади. Бугунги кунда маҳаллий ижроия ҳокимият органлари томонидан аҳоли жон бошига спортни молиялаштиришни амалга ошириш учун 5 миллиард 41 миллион тенге ажратилиб, 40 539 нафар болалар ва ёшларни қамраб олган. Маданий томондан 2 миллиард 518 миллион тенге микдорида 24 521 нафар болани қамраб олиш билан таъминланган», - деди вазир ўринбосари бўлиб ўтган онлайн брифингда.

Айни пайтда болалар ва ўспиринларнинг 37,5 фоизи аллақачон спорт секциялари билан қамраб олинган, улардан 370 минг нафари болалар спорт мактабларида, 190 мингга яқини болалар ва ўспиринлар, болалар ва ёшлар жисмоний тарбия клубларида, 965 минг нафари - таълим муассасалари.

«Таълим ва маданият ташкилотларида, хусусан 4-18 ёшдаги ижодий тўгаракларга жалб қилинган болалар сони 1 360 721 кишини ташкил этади», - дея қўшимча қилди Ерлан Қожағапанов.

Муаллиф: Арайлим Мурат