Қозоғистонда БИМТ кўмагида технология ва инновация маркази ташкил этилади
ASTANA. Kazinform – ҚР Президенти Бутунжаҳон интеллектуал мулк ташкилоти бош директори Дарен Тангни қабул қилди, деб хабар беради Ақорда матбуот хизмати.
Суҳбат чоғида Қозоғистоннинг интеллектуал мулк соҳасидаги салоҳиятини ошириш, экотизимни мустаҳкамлаш, барқарор билимлар иқтисодиётини яратишга қаратилган қўшма ташаббуслар муҳокама қилинди.
Қасим-Жомарт Тоқаев Ташкилот келажакка йўналтирилган интеллектуал мулк учун мустаҳкам пойдевор яратишда Қозоғистоннинг энг муҳим ҳамкори эканлигини таъкидлади.
Айни пайтда интеллектуал мулк компонентига эга Миллий инновацион стратегияни ишлаб чиқиш лойиҳаси бошланган. Бу илмий тадқиқотларни рағбатлантириш, илғор технологияларни ривожлантириш, қулай инновацион муҳит яратишга қаратилган. Қозоғистон Ташкилот билан биргаликда Технология ва инновацияларни қўллаб-қувватлаш маркази лойиҳасини ҳам амалга оширмоқда.
Дарен Танг мамлакатда кўрилаётган чора-тадбирлар сезиларли самаралар бераётганини таъкидлади. Ўтган йили Қозоғистон глобал инновациялар рейтингида ўз ўрнини яхшилаган.
