Қозоғистонда 45 даражагача иссиқ бўлиши кутилмоқда

ASTANA. Kazinform - “Қазгидромет” синоптиклари 25-27 июль кунлари учун уч кунлик об-ҳаво маълумотларини эълон қилди.

Синоптикларнинг прогнозларига кўра, яқин кунларда антициклон аста-секин республика шимоли-ғарбига ҳаракатланади, атмосфера фронтларининг ўтиши билан Қозоғистоннинг аксарият ҳудудларида момақалдироқ бўлиб, шамол эсади.

Мамлакатнинг шимоли-ғарбида, 25 июлда ғарбда, шарқда, 26-27 июлда шимолда кучли ёмғир ёғади.

Кундузи ҳаво ҳарорати ғарбда 23-33°С, шимоли-ғарбда 15-28°С, шимолда 18-28°С, марказда 25-35°С даражагача иссиқ бўлади. Республика шарқида ҳаво ҳарорати +25+37°С, жанубда +35+45°С, жануби-шарқда +35+43°С гача кўтарилади.