10:16, 10 Ноябрь 2021 | GMT +5
Қозоғистонда 22 ноябрдан ревакцинация бошланади
NUR-SULTAN. Kazinform – Қозоғистонда 22 ноябрдан ревакцинация бошланади. Бу ҳақда Ҳукумат йиғилишида ҚР Соғлиқни сақлаш вазири Алексей Цой маълум қилди, деб хабар беради Kazinform мухбири.
«Давлат раҳбарининг топшириғига кўра Республика аҳолисини иммунизация бўйича маслаҳат комиссиясининг тавсияларига мувофиқ аҳолини ревакцинация усуллари аллақачон баён қилинган. Ревакцинация 22 ноябрдан икки босқичда бошланади», - деди вазир.
Унинг сўзларига кўра, биринчи навбатда хавф гуруҳидагилар ревакцинациядан ўтади.
«Биринчидан, хавф гуруҳига кирувчи шахслар эмланганлигини инобатга олган ҳолда, биринчи эмлаш муддатини ҳисобга олган ҳолда, аҳолининг заиф қатламлари жорий йил охиригача қайта эмланади. Улар тиббиёт ходимлари, ўқитувчилар, тиббий-ижтимоий ходимлар ва контингентлар, ёпиқ болалар муассасалари, ҳуқуқ-тартибот идоралари ходимларидир», - деди Алексей Цой.
