Қозоғистонда 188 минг иш ўрни яратилади

ASTANA. Kazinform - Инвестиция лойиҳалари доирасида янги иш ўринлари яратилади, деб хабар беради Kazinform мухбири.

Бу ҳақда Марказий коммуникациялар хизматининг “Инвесторлар ҳуқуқларини ҳимоя қилиш тўғрисида”ги давра суҳбатида Қозоғистон Республикаси Инвестициялар қўмитаси раиси ўринбосари Арман Ақсубаев маълум қилди.

“Айни пайтда Миллий рақамли инвестиция платформасига 1160 дан ортиқ инвестиция лойиҳаси юкланган. Уларнинг умумий миқдори қарийб 49 триллион тенгени ташкил этади. Ушбу лойиҳалар доирасида 188 мингга яқин иш ўрни яратиш режалаштирилган. Бу лойиҳалар умуммиллий инвестиция лойиҳалари жамғармасини ташкил этади”, — деди Арман Серикович.

Унинг сўзларига кўра, жорий йил охиригача умумий қиймати 5,5 триллион тенгедан ортиқ бўлган 379 та лойиҳани фойдаланишга топшириш режалаштирилган. Бугунги кунда платформадан маҳаллий ижро этувчи ва давлат органлари, квази-давлат ташкилотлари, Ҳукумат аппарати, Бош прокуратура, “Атамекен” Миллий тадбиркорлар палатаси каби иштирокчилар фойдаланиши мумкин.

“Бугунги кунда 60 га яқин лойиҳа “Яшил йўлак” мақомига эга ва уларни платформада кузатиш мумкин. Шунингдек, 20 та ҳудуднинг ҳар бирида лойиҳа топшириқларининг бажарилишини кузатиш модули ташкил этилгани ҳамда инвестиция лойиҳаларини амалга оширишнинг барча босқичларини амалга ошириш самарадорлиги ва мониторинги самарадорлигини акс эттирувчи ҳудудлар рейтинги жорий этилганини алоҳида таъкидлаш лозим”, - дея қўшимча қилди ҚР Инвестициялар қўмитаси раисининг ўринбосари.