Қозоғистонда 16 халқаро кўп тармоқли шифохона қурилади

NUR-SULTAN. Kazinform – 2020-2025 йилларга мщлжалланган Соғлиқни сақлашни ривожлантириш давлат дастури доирасида бутун мамлакат бўйлаб шифохоналар инфратузилмасини модернизация қилиш режалаштирилган. Бу ҳақда Қозоғистон Соғлиқни сақлаш вазирлиги маълум қилди, дея хабар беради Kazinform мухбири.

Вазирлик маълумотларига кўра, мамлакатда 40 та эскирган объектлар ўрнига 16 та кўп тармоқли шифохона (вилоят кўп тармоқли касалхонаси, шаҳар кўп тармоқли шифохонаси, университет клиникаси) қурилади. Касалхоналар замонавий техник ечимларни ҳисобга олган ҳолда режалаштирилали. Узоқ муддатли шартномалар доирасида улар тиббий ускуналар, ахборот тизимлари ва техник хизмат билан тўлиқ таъминланади.

Ҳар бир шифохонада замонавий юқумли касалликлар объектларини қуриш режалаштирилган бўлиб, бу беморларни ўз вақтида ва сифатли ташхислаш ва даволаш, клиник ходимларнинг хавфсизлигини таъминлаш, тиббий ташкилотларнинг юқумли бўлмаган тармоғига юкни камайтириш имконини беради.

Давлат-хусусий шериклик шартномалари ва бошқа узоқ муддатли шартномалар бўйича касалхоналар ташкил этиш режалаштирилган. Бу бюджетга тушадиган юкдан халос бўлиш, чет эл сармоясини жалб қилиш, касалхоналар қурилишига янги технологияларни жорий этиш ва соғлиқни сақлаш муассасаларининг иш сифатини яхшилаш имконини беради. Бу 5-6 йил ичида қўшма комиссия халқаро (ЖCИ) халқаро стандартларига жавоб берадиган 8000 дан ортиқ тўшак-ўринга эга замонавий юқори технологияли шифохоналар тармоғини яратишга имкон беради.

Лойиҳа маҳаллий ва халқаро касалхоналар қурилишида тажрибага эга хорижий компаниялар билан шартнома тузади.

Касалхона қурилиши билан боғлиқ лойиҳаларни ўз вақтида амалга ошириш учун соғлиқни сақлаш оператори бўлган лойиҳа компанияси ташкил этилади.

Муаллиф: Марлан Жиембай