Қозоғистонда 100 га яқин соғлиқни сақлаш муассасаси қурилиши бошланди

ASTANA. Kazinform – Республика бюджетидан Қозоғистон бўйича 99 та соғлиқни сақлаш объекти қурилиши учун маблағ ажратилди. Бу ҳақда ҚР Соғлиқни сақлаш вазирлиги Kazinform мухбирининг саволига жавобан маълум қилди.

Вазирлик маълумотларига кўра, 2023-2024 йилларда Миллий лойиҳа доирасида қишлоқ жойларда 655 та тиббий-санитария биринчи тиббий ёрдам кўрсатиш муассасаси қурилади.

«Бугунги кунда 99 та объектни қуриш учун республика бюджетидан маблағ ажратилди. Улардан 91 таси (Ақтўбе вилоятида 8 та, Атирау вилоятида 3 та, Шарқий Қозоғистон вилоятида 17 та, Ғарбий Қозоғистон вилоятида 12 та, Жамбил вилоятида – 4 та, Қарағанди вилоятида – 14 та, Қостанай вилоятида – 6 та, Қизилўрда вилоятида – 15 та, Шимолий Қозоғистон вилоятида – 7 та, Улитау вилоятида – 5 та) қурилиши бошланди. Қолган объектлар бўйича пудратчини аниқлаш бўйича тендер жараёнлари ўтказиляпти», — дейилади вазирлик хабарида.

Муаллиф: Марлан Жиембай