Қозоғистон волейбол бўйича ўсмирлар ўртасида Марказий Осиё чемпионатида ғалаба қозонди

TASHKENT. Kazinform - Тошкентда волейбол бўйича 16 ёшгача бўлган ўсмирлар ўртасида Марказий Осиё чемпионати ўз якунига етди. Мусобақанинг қизлар ўртасидаги финал беллашувида Қозоғистон ва Ўзбекистон жамолари ўзаро баҳс олиб боришди. Бу ҳақда Kazinform Sports.uzга таяниб хабар беради.

Қизиқарли кечган ўйин қозоғистонликларнинг 3:0 ҳисобидаги ғалабаси билан якунланди. Шу тариқа, қизлар ўртасидаги беллашувларда Қозоғистон жамоаси биринчи ўринни қўлга киритди. Иккинчи ўрин Ўзбекистон-1 жамоасига насиб этган бўлса, ярим финалда имкониятни бой берган Ўзбекистон-2 қизлари бронза медаллари билан тақдирланишди.

Тошкентда волейбол мусобақалари давом этади. Энди Тошкент 22-29 июль кунлари 16 ёшгача бўлган ўсмирлар ўртасидаги Осиё чемпионатига мезбонлик қилади.