Қозоғистон ва Вьетнам президентлари сопол буюмлар ишлаб чиқариладиган қишлоққа ташриф буюришди

ASTANА. Кazinform – Қасим-Жомарт Тоқаев ва Во Ван Тхионг биргаликда Хайзионг провинциясида жойлашган сопол буюмлар ишлаб чиқарадиган Чу Дао қишлоғига боришди, дея хабар беради Кazinform Ақорда расмий сайтига таяниб.

Икки давлат раҳбарлари тайёр маҳсулотларни кўздан кечирди, сопол буюмлар тайёрлаш жараёни билан танишди.

Кейин президентлар махсус дастгоҳда сопол идишлар ясашга ҳаракат қилишди.

Қишлоққа ташриф буюрган Қозоғистон ва Вьетнам президентлари тайёр маҳсулотлар ва ҳурматли меҳмонлар китобига имзо чекишди.

Чу Дао - қадимги вьетнамлик кулолчилик усули бўлиб, унинг тарихи милодий 12 асрга бориб тақалади. Бу ҳунармандчилик 14-15 асрларда ривожланиб, 17 асрда йўқолиб кетган. Бироқ 1980 йилларда Истанбулдаги Тўпқопи музейидан уста Чу Дао ясаган кўза топилди.

2001 йилда Ханой савдо корпорацияси ушбу қадимий ҳунармандчиликни қайта тиклади ва қадимий технологияга асосланган тўлиқ ҳажмдаги ишлаб чиқаришни йўлга қўйди.